Məşhur ChatGPT chatbotunun Android versiyası çox yaxında buraxılacaq. Hətta, bu həftə buraxılması planlaşdırılır.

Çatbotu hazırlayan OpenAI şirkəti bu məlumatı özünün Twitter mikrobloqunda paylaşıb.

"dogruxeber.tv"ın GizmoChina-a istinadən verdiyi məlumata görə , Google Play-də tətbiqi indi əvvəlcədən sifariş etmək olar , lakin proqram əlçatan olduqda avtomatik olaraq smartfonunuza endiriləcək.

ChatGPT-nin iOS versiyası may ayında buraxıldı. Bir həftədən az müddətdə proqram 500.000 dəfədən çox yüklənib.

ChatGPT-nin Android versiyası, iOS versiyası kimi, iki qiymət planına sahib olacağı gözlənilir: ödənişli və pulsuz. Ödənişli versiyanın istifadəçiləri xidmətin yeni funksiyalarına birinci olaraq giriş əldə edəcək və sorğular zamanı xidmətin serverlərinə prioritet çıxış əldə edəcəklər.

Tətbiq bütün ölkələrdə mövcud olmayacaq. Xüsusilə Rusiyadan olan istifadəçilər onu endirə bilmirlər. Rusiyadan proqram səhifəsinə daxil olanda “Ön sifariş” düyməsi əvəzinə qırmızı hərflərlə “Ölkənizdə mövcud deyil” yazılır.

dogruxeber.tv
Kamal Əsgərov