"dogruxeber.tv" İrna-ya istinadən xəbər verir ki, bu gün İranın xarici işlər naziri Hüseyn Əmir Abdollahianla azərbaycanlı həmkarı Ceyhun Bayramov arasında telefon danışığı olub.

İranın xarici işlər naziri Hüseyn Əmir Abdollahian azərbaycanlı həmkarı Ceyhun Bayramov ilə telefon danışığında İran və Azərbaycanın hazırda konstruktiv əməkdaşlığın müsbət yolu ilə getdiyini vurğulayıb.

“Hazırda Tehran və Bakı arasında əməkdaşlıq prosesi konstruktiv və müsbət istiqamətdə gedir”, - deyə Əmir Abdullahiyan telefon danışığı zamanı bildirib.

Həmçinin, telefon danışığı zamanı Əmir Abdollahian və Bayramov ən mühüm ikitərəfli və regional məsələlər ətrafında fikir mübadiləsi aparıblar.

Bayramov isə öz növbəsində Əmir Abdullahianın Bakıya son səfərini vacib adlandırıb və bildirib ki, bu səfərdən sonra ən qısa zamanda iki ölkə arasında münasibətlərə “bunun müsbət təsirini görə biləcəyik”.

Azərbaycanın yüksək rütbəli diplomatı həmçinin Qarabağ regionu ilə bağlı konstruktiv mövqeyə görə Tehrana təşəkkür edib.

O, həmçinin İran və Azərbaycan arasında hökumətlərarası müştərək iqtisadi komissiya çərçivəsində İran və Azərbaycan nümayəndələrinin son görüşünü uğurlu adlandırıb.

İyulun 17-də İranla həmsərhəd Astara şəhərində baş tutan görüşdə hər iki tərəf dəmir yolu və avtomobil marşrutları üzrə yaxşı razılıq əldə edib.

dogruxeber.tv
Jalə Sarvanqızı