"dogruxeber.tv" Terantimes-a istinadən bildirir ki, İran elektrik enerjisi çatışmazlığına cavab olaraq dövlət işçilərinə elan etdiyi tətili uzatmağı planlaşdırır, çünki ölkə daxilində temperatur 40 ilə 50 dərəcə arasında dəyişir.

İran mediası hökumət sözçüsü Əli Bahadori Cəhromidən sitat gətirib: "Kabinet səhiyyə nazirliyinin ictimai sağlamlığı qorumaq üçün çərşənbə və cümə axşamı günlərinin bütün ölkədə bayram elan edilməsi təklifi ilə razılaşdı".

Səhiyyə Nazirliyinin sözçüsü son günlərdə istiliklə bağlı xəstəliklərin sayını "narahatedici" adlandırıb.

İyun ayında İran elektrik enerjisinə qənaət etmək üçün dövlət işçilərinin yay iş vaxtını dəyişdirib.

İslam İnqilabı Keşikçiləri Korpusuna bağlı Tasnim xəbər agentliyinin məlumatına görə, səhiyyə nazirliyi istilərin insanların sağlamlığına təhlükə yaratdığına qərar verərsə, bayram uzadıla bilər.

Birləşmiş Millətlər Universitetinin Su, Ətraf Mühit və Sağlamlıq İnstitutunun direktoru, professor Kaveh Mədəni bildirib ki, su ehtiyatlarının sıradan çıxması, elektrik enerjisi və qaz çatışmazlığı dayanma və qapanmalarla həll edilə bilməz.

Mədəni bundan əvvəl İranın keçmiş prezidenti Həsən Ruhaninin yanında Ətraf Mühitin Mühafizəsi Təşkilatının müavini vəzifəsində çalışıb. SEPAH-a bağlı medianın ona qarşı təhlükəsizlik ittihamları yaymasından sonra o, İranı tərk etmək məcburiyyətində qalıb.

Mədəni dedi ki, yüz bənd tiksən belə, yaxşı idarə olunmasa, su qıtlığı olacaq.

O əlavə edib ki, İranın qaz iflasının kökləri onun su iflasının kökləri ilə çox oxşardır, lakin su və enerji sektorlarında mühüm fərq var: İranın suyu təbii olaraq məhduddur, lakin ölkə dünyanın ən böyük təbii qaz ehtiyatlarından birinə malikdir.

dogruxeber.tv
Jalə Asiman