İsrail polisinin bəyanatında deyilir ki, İsrail təhlükəsizlik qüvvələri bazar günü işğal altındakı İordan çayının qərb sahilində üç fələstinli silahlını güllələyib.

Bəyanatda deyilir ki, xüsusi təyinatlılar “Cenin qaçqın düşərgəsindən hücum təşkil etmək üçün yola çıxan bir dəstənin qarşısını alıblar”.

HƏMAS-ın Qəzza sözçüsü Hazem Qassem deyib ki, ölümlər cəzasız qalmayacaq.

"dogruxeber.tv" Routers-ə istinadən məlumatına görə, “Üç Fələstin xalqımızı qətlə yetirən düşmən öz cinayətlərinin bədəlini ödəməkdən qaçmayacaq”, - deyə o, açıqlamasında bildirib.

İsrail polisinin bəyanatında deyilir ki, “İsrail təhlükəsizlik qüvvələrinə qarşı hərbi əməliyyatlarda iştirak edən və Qəzza zolağında terrorçuların istiqamətləndirdiyi hərbi fəaliyyəti inkişaf etdirən” silahlı dəstənin başçısı digər iki heyət üzvü ilə birlikdə öldürülüb.

dogruxeber.tv
Nərgiz Elnurqızı