Çox da uzaq olmayan gələcəkdə supermarketlərdəki bütün kameraların belə olacağı ehtimalı var. Bu arada Fujitsu şirkəti ilə birgə hazırlanmış yeni kameralar Yaponiyanın Hofu şəhərindəki Aruk Mitajiri supermarketində quraşdırılıb. Bu kameralar müştərilərin davranışını izləyən, onu süni intellektlə təhlil edən və real vaxt rejimində konkret ziyarətçilərin marağına səbəb ola biləcək məhsulları təklif edə bilən innovativ müşahidə sistemi ilə təchiz edilib.

"dogruxeber.tv"ın The Register-ə istinadən məlumatına görə , belə kameraların istifadəsi supermarketə reklamı fərdiləşdirmək üçün yeni üsullar tapmağa imkan verə bilər.

Texnologiya ondan ibarətdir ki, sistem mağazada malların seçimi zamanı müştərilərin davranışlarına nəzarət edir. Sonra, bu məlumatlara əsaslanaraq, fərdiləşdirilmiş reklam təqdim edir. Qeyd etmək lazımdır ki, sistem müştərilərin hər bir hərəkətinə nəzarət etmək iqtidarındadır:
Pəncərələrdə malların diqqətlə yoxlanılmasından tutmuş malların götürülməsinə, başqaları ilə müqayisə edilməsinə və digər bu kimi hərəkətlərə qədər.

Kameralar tərəfindən toplanan məlumatlar birbaşa generativ süni intellekt platformasına göndərilir. Nəticədə, fərdi təkliflər virtual "avatar konsyerj" tərəfindən təqdim olunan reklam vasitəsilə alıcılara çatdırılır.

Fujitsu hesab edir ki, texnologiya alıcıları araşdırmaq və alış-veriş etmək üçün rəflərə qayıtmağa təşviq edəcək. Bu sistemi inkişaf etdirmək üçün şirkət Vaseda Universitetinin Marketinq və Kommunikasiyalar İnstitutunun direktoru Naoto Onzo da daxil olmaqla bir qrup alimlə əməkdaşlıq edib.

Texnologiya hazırda Aruk Mitajiri supermarketində sınaq mərhələsindədir və oktyabrın 15-dək sınaqdan keçiriləcək. Uğurlu uyğunlaşmadan sonra, pərakəndə satış dünyasında təhlil və müştərilərlə qarşılıqlı əlaqə sahəsində yeni fəsil ola biləcək şəbəkənin digər mağazalarında da təqdim edilməsi planlaşdırılır.

dogruxeber.tv
Jalə Asiman