“Financial Times” çərşənbə günü məsələ ilə bağlı məlumatlandırılmış insanlara istinadən yazıb ki, ABŞ gərginliyi azaltmaq üçün Vaşinqton və Tehran arasında daha geniş yazılmamış anlaşmaya dair müzakirələrin bir hissəsi olaraq İranı Rusiyaya silahlı pilotsuz təyyarələrin satışını dayandırmağa sövq edir.

"dogruxeber.tv" "Report" qəzeti İran rəsmisinə və danışıqlardan xəbəri olan başqa bir şəxsə istinadən xəbər verir ki, ABŞ İrandan Moskvanın Ukraynadakı müharibədə istifadə etdiyi silahlı pilotsuz təyyarələrin, habelə pilotsuz təyyarələrin ehtiyat hissələrinin Rusiyaya satışını dayandırması üçün təzyiq edir.

Xəbər Vaşinqton və İranın gərginliyi azaltmağa və İranın nüvə proqramı ilə bağlı daha geniş danışıqları canlandırmağa çalışdığı bir vaxtda yayılıb. ABŞ-ın dövlət katibi Antoni Blinken çərşənbə axşamı deyib ki, o, İranın "artan nüvə təhlükəsini" azaltmaq üçün istənilən addımını alqışlayacaq.

Qəzet yazır ki, bu müzakirələr ötən həftə məhbus mübadiləsi sazişi üzrə danışıqlarla yanaşı aparılıb. İran dörd ABŞ vətəndaşının Tehranın Evin həbsxanasından ev dustaqlığına keçməsinə icazə verdi, beşincisi isə artıq ev dustaqlığında idi.

Keçən həftə mənbələr Reuters agentliyinə bildiriblər ki, İran Cənubi Koreyadakı 6 milyard dollarlıq İran fondunun dondurulmasına dair razılaşmanın bir hissəsi olaraq həbsdə olan beş ABŞ vətəndaşını azad edə bilər.

dogruxeber.tv
Jalə Asiman