Ukraynanın şərqindəki Xarkov bölgəsində vəziyyət "çətindir", lakin Ukrayna qüvvələri Rusiyanın hücumlarını dəf edir və son bir həftə ərzində şərq cəbhəsində bir neçə kvadrat kilometr ərazini yenidən işğal ediblər.

"dogruxeber.tv" Routers-ə istinadən bildirir ki, bu barədə müdafiə nazirinin müavini bu gün məlumat verib.

Ukrayna ordusu keçən həftə Rusiyanın Xarkov vilayətindəki Kupyansk şəhərinə hücum etdiyini bildirib.

"Kupyansk istiqamətində vəziyyət ağırdır. Düşmən irəliləmək planlarından əl çəkmir, düşmən əlavə qüvvələr cəlb edir", - Hanna Maliar milli televiziya yayımçısına deyib.

- "Biz öz müdafiəçilərimizə arxayınıq, lakin orada onlar üçün çox çətindir və düşmən orada irəliləmir".

Maliar Ukrayna qüvvələrinin aylarla davam edən qanlı mübarizədən sonra may ayında rus qüvvələri tərəfindən işğal edilmiş Baxmut şəhərinin cənubuna doğru irəlilədiyini və son bir həftə ərzində daha üç kvadrat kilometr ərazini azad etdiyini bildirib.

Maliar Ukrayna qüvvələrinin Rusiya qüvvələrini parçalamağa və Azov dənizinə çatmağa çalışdığı cənubda situasiyada ciddi dəyişiklik olmadığını bildirib.

- "Biz düşməni kiçik hesab etməməliyik. Biz hamımız səbirli olmalı və silahlı qüvvələrimizi dəstəkləməliyik” - deyə Maliar bildirib.

Ukrayna ordusu cümə axşamı bildirib ki, yeni azad edilmiş Urojayne kəndindən irəliləyərək cənub-şərq cəbhəsində qələbə qazanıb.

Bununla belə, ABŞ rəsmisi ötən həftə Ukrayna qüvvələrinin əks-hücum zamanı Rusiyanın işğal etdiyi strateji cənub-şərqdəki Melitopol şəhərinə çata və geri ala bilməyəcəyini deyib.

dogruxeber.tv
Asiman Əsədsoy