İran Xarici İşlər Nazirliyi bazar ertəsi bildirib ki, İran və İraq İraqın Kürdüstan bölgəsindəki "silahlı terrorçu qrupların" gələn ay tərksilah edilərək köçürülməsi barədə razılığa gəliblər.

Nazirliyin sözçüsü Nasser Kanaani deyib: "İran və İraq arasında razılıq əldə edilib və İraq öz ərazisində olan silahlı separatçıları və terrorçu qrupları tərksilah etməyi, onların bazalarını bağlamağı və onları sentyabrın 19-na kimi başqa yerlərə köçürməyi öhdəsinə götürüb".

"dogruxeber.tv" Aljazeetra-ya istinadən bildirir ki, sözçü silahlıların hara köçürüləcəyini dəqiqləşdirməyib. İraqdan dərhal şərh verilməyib.

İran uzun müddətdir ki, İraqın muxtar şimal kürd bölgəsini ölkəyə qarşı hücumlarda iştirak edən terrorçu qruplara sığınacaq verməkdə ittiham edir və İnqilab Keşikçiləri onların bazalarını dəfələrlə hədəfə alır.

Keçən sentyabr ayında İran İnqilab Keşikçiləri Korpusu İraqın Kürd bölgəsində yaraqlıların hədəflərini raket və pilotsuz təyyarələrlə atəşə tutub, yerli hakimiyyət orqanlarının məlumatına görə, 13 nəfər həlak olub.

İraqın Xarici İşlər Nazirliyi hücumları pisləyib. İranın elit hərbi və təhlükəsizlik qüvvələri bölgədə terrorçu adlandırdıqları qüvvələri hədəfə almağa davam edəcəklərini bildiriblər.

dogruxeber.tv
Jalə Asiman