Tədqiqatçılar bildirirlər ki, müasir insanların DNT-sinin təxminən iki faizi neandertallardan gəlir. Neandertal genlərinin müasir insanlarda saçdan tutmuş nikotin asılılığına qədər hər şeyə təsir etdiyi düşünülür.

"dogruxeber.tv" xəbər verir ki, alimlər, həmçinin bir sıra Neandertal DNT variantlarının depressiya, psixiatrik və nevroloji təsirlərlə əlaqəli ola biləcəyini düşünürlər.

Neandertal mənşəli şəxslərdə nikotin asılılığı ehtimalının bir qədər yüksək olduğu müşahidə edilir. Müasir insanların Neandertallardan miras qaldığı güman edilən xüsusiyyətləri təqdim edirik:

- Əgər qalın, düz saçlarınız varsa, onu Neandertal əcdadlarınızdan miras almısınız.

Neandertal əcdadı olan bəzi insanların saçları bir qədər qalın və ya daha düz olur.

- Neandertallar da daxil olmaqla qədim insanlardan keçən genlər səhər oyanma vərdişlərinizi müəyyən edə bilər.

Araşdırmalar göstərir ki, nə vaxt oyandığımızı və nə vaxt yatdığımızı təyin edən orqanizmin sirkadiyalı (yuxu-oyanma dövrü) ritmi ilə əlaqəli genlər Neandertallardan gəlib.

- Tədqiqatlar göstərir ki, uzun burunlu insanlar neandertallardan genetik miras qalıb.

- Pandemiyanın ilk aylarında aparılan bir araşdırma, neandertallardan miras qalan xromosom bölgəsinin insanları COVID-19-a daha həssas etdiyini ortaya qoyub.

Neandertallardan miras qalan bölgəyə sahib insanların ağciyər problemləri də daxil olmaqla, COVID-19-a yoluxma və şiddətli epidemiyaya məruz qalma ehtimalı daha yüksək olub.

- Neandertalların genləri nə qədər asanlıqla qaraldığınıza və yanmağa meylli olub-olmamağınıza təsir edə bilər.