Çin Xalq Respublikasının (ÇXR) əhalisi 2023-cü ildə 2,08 milyon nəfər azalıb, hazırda rəsmi məlumatlara görə, ölkədə təxminən 1,40967 milyard vətəndaş yaşayır.

dogruxeber.tv xəbər verir ki, bu barədə Çin Xalq Respublikasının Dövlət Statistika İdarəsinin saytında məlumat verilib.

“2023-cü ilin sonuna ölkənin əhalisi 31 əyalət, muxtar bölgə və bələdiyyələrin əhalisi və hərbi qulluqçular da daxil olmaqla 1 409,67 milyon nəfər olub", - məlumatda deyilir.

Həmçinin, il ərzində hakimiyyət orqanları ölkədə 9,02 milyon yeni doğulmuş körpəni qeydə alıb. Kişi əhalisi hələ də qadın əhali üzərində üstünlük təşkil edir - Çində kişilərin sayı 720,32 milyon, qadın əhalisi isə 689,35 milyon nəfərdir.