NATO-nun hərbi komitəsinin rəhbəri Rob Bauer bildirib ki, Şimali Atlantika Alyansı ölkələri Rusiya ilə potensial toqquşmaya hazırdırlar.

"dogruxeber.tv" xəbər verir ki, o, bu barədə Ukrayna Müdafiə Nazirliyinin "ArmyInform” nəşrinə müsahibəsində bildirib.

O, xatırladıb ki, 2019-cu ildən NATO ölkələri kollektiv təhlükəsizlik konsepsiyasına qayıtmağa, müdafiə strategiyasını dəyişdirməyə, planlaşdırmağa və missiyaları yerinə yetirmək üçün qüvvələrdə islahatlar aparmağa başlayıblar.

"Biz hazırıq? Cavab: Bəli! Bu, bizim əsas vəzifəmizdir - hazır olmaq. Əgər bu gün baş verirsə, o zaman əlində olanla mübarizə aparmalısan. Bu, həmişə bu günə hazır olmaq və eyni zamanda gələcək üçün imkanları təkmilləşdirməyin birləşməsidir”, - deyə Bauer bildirib.

Bundan əvvəl o, Ukraynanın əlavə səfərbərliyə ehtiyacı olduğunu söyləyib.

"NATO Ukraynanın əlavə səfərbərlik həyata keçirməsini zəruri hesab edir”, – nəşr yazır. Bauerin sözlərinə görə, Ukrayna Silahlı Qüvvələrinə (USQ) təkcə silah, sursat deyil, həm də canlı qüvvə lazımdır.