Düzgün qidalanma və ürək sağlamlığı ilə bağlı tövsiyələri ilə tanınan daxili xəstəliklər mütəxəssisi həkim Canan Karatay paltarlarını necə yuduğunu açıqlayıb.

"dogruxeber.tv" xəbər verir ki, qatıldığı televiziya proqramında danışan Canan Karatay paltarlarla bağlı fikirlərini belə ifadə edib:

“Yuyucu tozlarını atın. Geyimlərinizi natrium bikarbonatla yuyun. Qab-qacaqlarınızı maşında deyil, adi sabunla yuyun. Evdə istifadə olunan təmizlik materialları təkcə geyimlərdə qalmır, həm də hava ilə qarışır. Bu da birbaşa nəfəs sistemimizə təsir edir. Evdar qadınlara ciddi xəbərdarlıq edirəm, yuyucu tozlardan uzaq durun!”

O əlavə edib ki, yuyucu vasitələr mikrob və bakteriyalardan qat-qat təhlükəlidir.