Fələstin HƏMAS hərəkatının üzvləri 2023-cü ilin oktyabrından Qəzza zolağında saxlanılan bir gündə üçüncü israilli girovu Qırmızı Xaç nümayəndələrinə təhvil verib.

"dogruxeber.tv" xəbər verir ki, bu barədə İsrail Müdafiə Qüvvələrinin (IDF) mətbuat xidməti məlumat yayıb.

"Qırmızı Xaç Cəmiyyətinin verdiyi məlumata görə, daha bir girov onlara təhvil verilib", - məlumatda deyilir.

Fevralın 1-i səhər saatlarında Fələstin hərəkatı iki israilli girov Ofer Kalderon və Yarden Bibası azad edib. Qırmızı Xaç nümayəndələri insanları Qəzza zolağındakı IDF və Şin Bet hərbi bazasına müşayiət edib, daha sonra onlar sərhədi keçərək yəhudi dövlətinə keçərək ilkin qəbul məntəqəsinə yollanıblar.

Yanvarın 19-da HƏMAS və İsrail arasında əldə olunan razılaşma çərçivəsində Qəzza zolağında atəşkəs elan edilib.

Atəşkəsin ən azı 42 gün davam edəcəyi gözlənilir. Bu müddət ərzində 33 girov İsrailə qaytarılmalıdır, yəhudi dövləti isə 1000-ə yaxın fələstinli məhbusu azad etməyi öhdəsinə götürüb.