Bu gün Bakı Ağır Cinayətlər Məhkəməsində Surxay Əliyev və Hikmət Nəcəfli barəsində hökm oxunub.

"dogruxeber.tv"ın xəbərinə görə, Cinayət Məcəlləsinin 182(hədə-qorxu ilə tələb etmə), 178 (Dələduzluq) maddələri ilə mühakimə olunan hər iki şəxs barəsində qərar qəbul edilib.

Belə ki, Surxay Əliyevə 7 il 8 ay, Hikmət Nəcəfliyə isə 8 il müddətinə azadlıqdan məhrum etmə cəzası təyin olunub.

Bildiririk ki, dövlət ittihamçısı Surxay Əliyevin 9 il, Hikmət Nəcəflinin 9 il 6 ay müddətində azadlıqdan məhrum etmə cəzasına məhkum edilməsini təklif etmişdi.

Qeyd edək ki, baş redaktor və müavini bir müddət əvvəl Daxili İşlər Nazirliyinin Baş Mütəşəkkil Cinayətkarlığa Qarşı Mübarizə İdarəsi tərəfindən həbs edilib.

Xatırladaq ki, Surxay Əliyev, müavini Hikmət Nəcəfli və “Gündəlik Bakı” qəzetinin baş redaktoru Habil Vəliyev hələ bir neçə il bundan öncə də eyni ittihamla Dövlət Təhlükəsizliyi Xidməti (DTX) tərəfindən həbs edilmişdi.//Gununsesi.info