İsrailin baş naziri Benyamin Netanyahu Beynəlxalq Cinayət Məhkəməsinin (ICC) həbs qərarına baxmayaraq, Macarıstana səfər edib.

"dogruxeber.tv" xəbər verir ki, bu barədə “Times of Israel” məlumat dərc edib.

Bu, BCM-nin 2024-cü ilin noyabrında onun barəsində həbs qərarı çıxarmasından sonra Netanyahunun Avropaya ilk səfəridir.

Macarıstanın müdafiə naziri Kristof Szalay-Bobrovnicki İsrail baş nazirinin Budapeştə səfərini alqışlayıb. Netanyahu ilə birlikdə həyat yoldaşı Sara da Macarıstandadır.

Xatırladaq ki, 2024-cü il noyabrın 21-də Beynəlxalq Cinayət Məhkəməsi İsrail hökumətinin başçısı, eləcə də ölkənin müdafiə naziri Yoav Qalantın həbsinə order verib. Bildirilib ki, məhkəmə bu qərarı siyasətçilərin insanlığa qarşı cinayətlər və hərbi cinayətlər törətmələri ilə bağlı qəbul edib. Söhbət Qəzza zolağında hərbi əməliyyatların aparılmasından gedir.