"dogruxeber.tv" xəbər verir ki, NASA yeni “Dynamic Targeting” (Dinamik Hədəfləmə) adlı süni intellekt sistemi üzərində işlərini uğurla davam etdirir. Bu sistem peyklərin öz orbitində real vaxtda hava şəraitini qiymətləndirərək, ən uyğun müşahidə sahələrini seçməsini təmin edir.

Ənənəvi peyklər bütün sahələrin şəkilini çəkməyə çalışır, lakin buludlu və ya əlverişsiz hava şəraitində çəkilən şəkillər çox vaxt istifadəyə yararsız olur. “Dynamic Targeting” isə peyklərə buludlu sahələri avtomatik aşkar edib, yalnız açıq hava şəraitində olan bölgələrin fotoşəkillərini çəkərək resursları qənaətlə istifadə etməyə imkan verir.

Bu yanaşma sayəsində peyklər daha az enerji sərf edir, daha uzun müddət işləyir və yerdəki mütəxəssislərə daha keyfiyyətli məlumatlar göndərir. NASA-nın bu yeni texnologiyası qasırğalar, yanğınlar, vulkan püskürmələri kimi sürətlə dəyişən təbii hadisələrin izlənməsində inqilabi imkanlar yaradacaq.

Bu süni intellekt sistemi gələcəkdə kosmik missiyaların da müstəqil idarə olunmasına yol açaraq, kosmos araşdırmalarında yeni mərhələni təmsil edəcək.