Süni intellektin insan həyatına dərin təsirləri davam edir və Çin bu sahədə öncüllərdən biridir.

“dogruxeber.tv” xəbər verir ki, ölkədə süni intellekt əsaslı “gələcək həyat yoldaşı” xidmətləri geniş yayılmağa başlayıb.

Bu xidmətlər çərçivəsində istifadəçilər öz ideallarına uyğun görünüş, şəxsiyyət və xarakterlərdə AI "sevgililər" yarada bilirlər. WeChat mini-programlarından olan “heartbeat lovers” kimi platformalar istifadəçiyə 24/7 onlayn olan rəqəmsal sevgili ilə ünsiyyət qurmağa imkan verir.

Çinli ekspertlər bu trendlə bağlı ciddi tənqidlər irəli sürərək, bu xidmətlərə nəzarətin gücləndirilməsinin vacibliyini qeyd edirlər.

Eyni zamanda, böyük texnologiya şirkətləri - Baidu, Tencent və ByteDance kimi oyunçu şirkətlər də süni intellektə əsaslanan virtual insan dostluqları bazarına qoşulub. Bu platformalarda istifadəçilər özlərinə uyğun avatarlar yaradaraq müxtəlif şəxsiyyət və xarakterlərdə AI ilə emosional əlaqə qura bilirlər

Bu cür texnologiya sosial təcrid ilə üzləşən gənclər üçün bir yoldaş sayılır və onların emosional ehtiyaclarını qarşılayır. Lakin bu fenomen həm etik, həm də psixoloji suallar doğurur və məlumatın idarə olunması baxımından risklər ehtiva edir.