Rusiya və Ermənistan Xarici İşlər nazirlikləri beynəlxalq hüquqi məsələlər üzrə məsləhətləşmələr aparıblar.

"DogruXeber.tv" xəbər verir ki, bu barədə Rusiya Xarici İşlər Nazirliyinin mətbuat xidməti məlumat yayıb. Görüş 2025-2026-cı illər üçün məsləhətləşmələr planı çərçivəsində baş tutub.

Rusiya nümayəndə heyətinə Rusiya Xarici İşlər Nazirliyinin Hüquq Departamentinin direktoru Maksim Musixin, Ermənistan nümayəndə heyətinə isə Ermənistan Xarici İşlər Nazirliyinin beynəlxalq müqavilələr və hüquq departamentinin rəhbəri Nelli Saroyan başçılıq edib.

Tərəflər qarşılıqlı maraq doğuran geniş spektrli məsələləri, o cümlədən beynəlxalq təşkilatlar çərçivəsində əməkdaşlığı müzakirə ediblər.

Bir sıra müvafiq təşəbbüslərin müzakirəsinin davam etdirilməsi barədə razılıq əldə olunub.