"Ermənistanla Azərbaycan arasında bərqərar olan sülh bizim üçün yeni imkanlar açacaq".

"DogruXeber.tv" xəbər verir ki, bunu Ermənistanın baş naziri Nikol Paşinyan “Armenia Mining 2025” forumunda çıxışı zamanı deyib.

"Əslində, bizim üçün ən böyük problem odur ki, biz əsasən faydalı qazıntıları ixrac etməyə məcburuq. Biz sektoru elə inkişaf etdirməliyik ki, mineral emalı zəncirini mümkün qədər genişləndirək və mümkün qədər son məhsula çatdıraq. Çünki bu, əlavə iş yerləri, dövlət büdcəsinə əlavə gəlirlər, əlavə yüksək ixtisaslı mütəxəssislərə ehtiyac deməkdir. Bu, iqtisadiyyata əlavə investisiyalar, iqtisadiyyatın yeni səviyyəsi, bu sahəyə əlavə investisiyalar deməkdir.

Ümid edirəm ki, qarşıdan gələn proseslər, o cümlədən regional proseslər bu baxımdan ətraf mühiti daha əlverişli edəcək, çünki Ermənistanla Azərbaycan arasında bərqərar olan sülh və gözlənilən regional infrastruktur və nəqliyyatın yaxın gələcəkdə mütləq baş tutması bu sahədə bizim üçün yeni imkanlar açacaq", - deyə Nikol Paşinyan bildirib.