Hazırda Misirdə İsraillə dolayısı ilə danışıqlar aparan Fələstinin HƏMAS hərəkatı ABŞ prezidenti Donald Trampın planı əsasında Qəzzada müharibəyə son qoymaq üçün razılığa gəlməyə hazır olduğunu bildirsə də, İsrail qüvvələrinin dərhal və tamamilə çıxarılması da daxil olmaqla bir sıra şərtlər irəli sürüb.

"DogruXeber.tv" xəbər verir ki, bu barədə “The Independent” məlumat yayıb.

Oktyabrın 8-də ABŞ vasitəçiləri ilə Qətərin Baş naziri və Xarici İşlər naziri Şeyx Məhəmməd bin Əbdülrəhman əl-Tani dolayı müzakirələrə qatılması ilə danışıqların daha da sürətlənəcəyi gözlənilir.Xüsusən də ABŞ-nin xüsusi nümayəndəsi Stiv Uitkoff və Trampın kürəkəni Jared Kuşner Amerika tərəfdən danışıqlara qatılacaq.

HƏMAS-ın danışıqlar qrupunun rəhbəri Xəlil əl-Həyyan müsahibəsində deyib ki, qrup ciddi və məsuliyyətli danışıqlar aparmaq üçün gəlib: "HƏMAS razılığa gəlməyə hazırdır, lakin hərəkatın müharibənin bitəcəyinə və bir daha baş verməyəcəyinə dair “zəmanətlərə” ehtiyacı var. O qeyd edib ki, HƏMAS hərtərəfli atəşkəs və hər iki tərəfdən bütün girov və məhbusları əhatə edən tam məhbus mübadiləsi razılaşması əldə etməyə çalışır".

İsrail isə öz növbəsində HƏMAS-ın tərksilah edilməsini istəyir, hərəkat bunu rədd edir.