Təhsil Nazirliyinin Təsərrüfat Hesablı Əsaslı Tikinti və Təchizat İdarəsi ölkə üzrə təhsil müəssisələrində təmir və abadlıq işlərinə başlayır.

"DogruXeber.tv" "DİA-AZ"a istinadən xəbər verir ki, layihə çərçivəsində "Bakı Mexanizasiya Nəqliyyat" Açıq Səhmdar Cəmiyyəti ilə satınalma müqaviləsi imzalanıb.

Müqaviləyə əsasən, "Bakı Mexanizasiya Nəqliyyat" ASC təhsil müəssisələrində təmir və abadlıq işlərini həyata keçirəcək. Layihənin ümumi dəyəri 9 milyon 17 min 159 manat 19 qəpik təşkil edir. Layihənin ehtimal olunan qiyməti 9 milyon 793 min 019 manat idi.

"Bakı Mexanizasiya Nəqliyyat" ASC-nin qurumdan daha öncə udduğu tenderlər aşağıdakılardır:

Respublikanın bir sıra təhsil müəssisələrində kommunal-kommunikasiya və təmir işləri: Bu layihənin dəyəri 7 milyon 671 min 106 manat 36 qəpik təşkil edib.

Respublikanın bir sıra təhsil müəssisələrində təmir, kommunal-kommunikasiya və abadlıq işləri 4 milyon 771 min 43 manat 24 qəpik dəyərində olub.

Respublika üzrə bir sıra təhsil müəssisələrinin təmir işləri üçün qalib şirkət 1 milyon 557 min 462 manat 27 qəpik məbləğ ödənilib.

Astara rayonu, Pensər kənd 1 nömrəli tam orta məktəbin əsaslı təmiri işlərinin satın alınması üçün şirkətlə 256 min 942 manat 51 qəpik məbləğində müqavilə imzalanıb.