Mənzil İnşaatı Dövlət Agentliyi (MİDA) tabeliyində fəaliyyət göstərən “MİDA” MMC tərəfindən keçirilən tender müsabiqəsinin qalibi məlum olub.

"DogruXeber.tv" Yeniavaz.com-a istinadən xəbər verir ki, Abşeron rayonu, Saray qəsəbəsində 4,5 ha torpaq sahəsində 5 nömrəli 12 mərtəbəli, 6 və 7 nömrəli 16 mərtəbəli çoxmənzilli yaşayış binalarının tikintisi ilə bağlı keçirilən müsabiqənin qalibi “Yar İnşaat Təmir-Tikinti” MMC (VÖEN – 1504833771) olub.

Qeyd edək ki, “MİDA” MMC tenderin qalibi olan “Yar İnşaat Təmir-Tikinti” MMC-yə 20 milyon 310 min 580 manat ödəyəcək.
Nizamnamə kapitalı 10 manat olan “Yar İnşaat Təmir-Tikinti” MMC 2019-cu ildə dövlət qeydiyyatına alınıb. Hüquqi ünvanı Bakı şəhəri Nərimanov rayonu, Ak. Həsən Əliyev, ev 90, m. 29-da yerləşən MMC-nin qanuni təmsilçisi Nağıyev Qafar Vaqif oğludur.

Məlumat üçün bildirək ki, nizamnamə kapitalı 10 milyon manat olan “MİDA” MMC isə 2016-cı ildə dövlət qeydiyyatına alınıb. MMC-nin qanuni təmsilçisi Təhməzov Fərhad İlahi oğludur. Fərhad Təhməzov Azərbaycan Qida Təhlükəsizliyi Agentliyinin (AQTA) sədri Qoşqar Təhməzlinin qardaşıdır.