“Aqrar Tədarük və Təchizat” ASC ilin sonuna bir neçə gün qalmış maraqlı tender keçirib.

"DogruXeber.tv" Tribuna.az-a istinadən xəbər verir ki, qurum işçilərinə içməli su alacaq.

Belə ki, keçirilən tenderə əsasən “UNI SUPPLY AND SEVICES” MMC “Aqrar Tədarük və Təchizat” ASC əməkdaşlarına 9 min 955 manatlıq içməli su almağı öhdəsinə götürüb.

Razılaşmaya əsasən şirkət ASC-yə 2400 ədəd 19 litrlik, 300 ədəd 0.5 litlik qazsız, 700 ədəd 330 ml-lik qazsız, 700 ədəd 1 lt-lik qazsız, 300 ədəd 0.75 lt-lik qazsız, 250 ədəd 0.75 lt-lik qazlı və 400 ədəd 0.5 lt-lik qazlı su satacaq.

Qeyd edək ki, “UNI SUPPLY AND SEVICES” 2025-ci il ərazində iki tenderə qatılıb. Onlardan biri də Neft Fondunun keçirdiyi müsabiqə olub. Tribuna.az bildirir ki, şirkət ARDNF-ə fonddaxili tədbirlərin təşkili üçün zəruri olan qida məhsullarının və gündəlik içməli suyun satın alınmasını reallaşdırıb. Bunun müqabilində isə 92 min 500 manat ödəniş alıb.