Minatəmizləmə Agentliyi keçirdiyi iki tenderin nəticələrini açıqlayıb.

"DogruXeber.tv" Tribunainfo.az-a istinadən xəbər verir ki, hər iki tender avtomobillərin alınması ilə bağlıdır.

Belə ki, tenderlərdən biri Pikap-sərnişin tipli xüsusi təyinatlı nəqliyyat vasitələrinin alınmasını ehtiva edir. 1 milyon 203 min 600 manat dəyərində olan müqaviləyə əsasən Agentlik 15 ədəd avtomobil alacaq.

Digər tender isə daha maraqlıdır. Açıq mənbələrdə qeyd edilir ki, Agentlik minatəmizləmə işlərində yararlandığı itləri daşımaq üçün maşın almaq qərarı verib. Həmin qərara əsasən 20 ədəd avtomobil alınacaq ki, bunun üçün də 1 milyon 675 min 600 manat xərc çəkiləcək. Yəni, hər biri 83 min manatdan bir qədər baha qiymətə.

Bildirək ki, hər iki tenderin qalibi “RAMMA” QSC-dir. Şirkət 30.12.2010-cu ildə dövlət qeydiyyatına alınıb. Nİzamnamə kapitalı 2000 manatdır, qanuni təmsilçisi Takhir Mamedovdur. Şirkətin hüquqi ünvanı isə Bakı şəhəri, Yasamal rayonu, Mətbuat, pr, ev 35, m 19-da yerləşir.