Fövqəladə Hallar Nazirliyinin SOCAR-ın obyektlərini yanğından mühafizə edən idarəsi üçün xidməti maşın alacaq.

"dogruxeber.tv" xəbər verir ki, bununla bağlı elan edilmiş tenderin qalibi müəyyən olunub.

Belə ki, FHN-in Dövlət Yanğından Mühafizə Xidmətinin SOCAR-ın obyektləri üzrə Yanğından Mühafizə İdarəsi 13 ədəd “Toyota” markalı avtomobil alacaq. Bununla əlaqədar “TOYOTA ABŞERON CENTER” MMC ilə tərəflər artasında 794 min 850 manat dəyərində müqavilə imzalanıb.

Tribunainfo.az-ın açıq mənbələr üzərindən apardığı araşdırma zamanı məlum olub ki, FHN-in Dövlət Yanğından Mühafizə Xidmətinin SOCAR-ın obyektləri üzrə Yanğından Mühafizə İdarəsi son bir ildə bu ndan əlavə ddaha 21 ədəd xidməti maşın alıb. Belə ki, bir ay öncə nazirlik “AZƏRMAŞ PARK” MMC-yə 15 ədəd avtomobil üçün 315 min manat ödəyib.

29.12.2024-ci tarixdə isə nazirliyin sözügedən idarəsi “AZƏRMAŞ PARK” MMC-dən daha 6 ədəd avtomobil alıb ki, bunun üçün də 148 min 200 manat pul xərcləyib.