Britaniyalı mərhum rok musiqiçisi Ozzi Osbornun Los-Ancelesdə yerləşən malikanəsi 17 milyon dollara satışa çıxarıb.

DogruXeber.tv xəbər verir ki, bu barədə "The Wall Street Journal" məlumat yayıb.

Məlumata görə, evi onun həyat yoldaşı Şeron Osborn satışa çıxarıb. Osborn ailəsi 1920-ci illərdə inşa edilmiş bu malikanəni 2015-ci ildə 11,85 milyon dollara alıb. Əmlakın ümumi sahəsi təxminən 2 min kvadratmetr, əsas yaşayış binasının sahəsi isə 900 kvadratmetrdən çoxdur.

Bildirilir ki, Osbornlar malikanəni satışa çıxarmaq barədə ilk dəfə Ozzinin sağlığında düşünmüş, lakin sonradan bu fikirdən daşınmışdılar.

Qeyd edək ki, ifaçı ötən ilin yayında dünyasını dəyişib.