Türkiyə Xarici İşlər Nazirliyi Pakistanın şimal-qərbindəki Hayber Paxtunxva əyalətində polis məntəqəsinə qarşı törədilən terror aktını qətiyyətlə pisləyib.

DogruXeber.tv xəbər verir ki, bu barədə Türkiyə Xarici İşlər Nazirliyinin yaydığı bəyanatda bildirilib.

Bəyanata əsasən, mayın 9-da baş verən hücum nəticəsində həyatını itirənlərin ailələrinə və Pakistan xalqına başsağlığı verilir.

“Bu mənfur hücumda həyatını itirənlərə Allahdan rəhmət diləyirik”, – deyə açıqlamada qeyd olunub.

Bəyanatda həmçinin vurğulanıb ki, Türkiyə terrorun bütün forma və təzahürlərinə qarşı mübarizədə Pakistanla həmrəylik nümayiş etdirməyə davam edəcək.