Bu gün Azərbaycan Premyer Liqasında XXXII tura start veriləcək.

DogruXeber.tv: İlk gündə iki oyun baş tutacaq.

Günün ilk matçında “Karvan-Yevlax” “Qəbələ”ni qəbul edəcək. Yevlax şəhər stadionunda baş tutacaq oyunu Əli Əliyev idarə edəcək. Hazırda 14 xalla sonuncu pillədə olan “Karvan-Yevlax”ın ötən turdan elitanı tərk edəcəyi dəqiqləşib. “Qəbələ” isə 21 xalla 11-ci pillədə yer alır.

Günün digər oyunu “Araz-Naxçıvan”la “Kəpəz” arasında keçiriləcək. Hazırda Andrey Demçenkonun komandası 40 xalla 6-cı, Azər Bağırovun kollektivi isə 27 xalla 10-cu pillədə qərarlaşıb.

Qeyd edək ki, tura mayın 17-də yekun vurulacaq.

Azərbaycan Premyer Liqası
XXXII tur
15 may

17:00. “Karvan-Yevlax” – “Qəbələ”
Hakimlər: Əli Əliyev, Gülnurə Əkbərzadə, Mirnihad Seyidov, Vüqar Həsənli.

VAR: Rauf Cabarov
AVAR: Cəmil Quliyev
Hakim-inspektor: Anar Salmanov
AFFA nümayəndəsi: Elçin Mehtiyev

Yevlax şəhər stadionu

19: 30. “Araz-Naxçıvan” – “Kəpəz”
Hakimlər: Rəşad Əhmədov, Rahil Ramazanov, Orxan İbişov, İslam Məmmədov.

VAR: Əkbər Əhmədov
AVAR: Tural Qurbanov
Hakim-inspektor: Munis Abdullayev
AFFA nümayəndəsi: Elgiz Abbasov

“SOCAR Polymer Arena”