Avropa İttifaqı (Aİ) İsrail və İran arasındakı münaqişənin gərginləşməsindən təsirlənən bölgədən vətəndaşlarının təxliyəsinə kömək etdiyinə görə Azərbaycana minnətdarlığını bildirib.

DogruXeber.tv- nin məlumatına görə , bunu Aİ-nin Xarici İşlər və Təhlükəsizlik Siyasəti üzrə Ali Nümayəndəsi Kaja Kallas Haaqada keçirilən NATO sammiti çərçivəsində Azərbaycan jurnalistlərinin suallarını cavablandırarkən bildirib.

Kallas bildirib ki, "Regionda vəziyyət gərginləşəndən bəri Azərbaycanın xarici işlər naziri ilə əlaqə saxlayıram. Həmçinin diplomatlarımızın və vətəndaşlarımızın Azərbaycan vasitəsilə təxliyəsinə görə ona təşəkkür etdim".

O, həmçinin bildirib ki, İrandakı müharibənin Azərbaycan üçün potensial nəticələrini həmkarı ilə müzakirə edib.

"Mən, digər şeylərlə yanaşı, İrandan Azərbaycana miqrasiya axınını nəzərdə tuturam", - deyə o bildirib./oxu.az