Məktəb direktoru tərəfindən dəfələrlə cinsi istismara məruz qalan qız elə oxuduğu təhsil müəssisəsində dərman içərək intihara cəhd edib.

dogruxeber.tv goldnews.az-a istinadən xəbər verir ki, İstanbulda Kağızxana adlı ərazidə yerləşən məktəblərdən birində direktor 6-cı sinif şagirdi, 10 yaşlı M.C.S.-ni dəfələrlə zorlayıb.

Bundan təngə gələn azyaşlı məktəbdə çoxlu dərman içərək canına qəsd edib. Xəstəxanaya aparılan qızın həyatı son anda xilas olunub. O, hadisəni anasına danışıb.

M.C.S. direktorun öz otağında ona təcavüz etdiyini, porno videoları izlətdiyini, 5 aydır bu hadisənin davam etdiyini iddia edib.

Məktəb direktoru C.C.E. isə iddiaları qəbul etməyərək, uşağın qəribə şeylər gördüyünü, psixoloji cəhətdən xəstə olduğunu, valideynləri tərəfindən öyrədilən şeyləri danışdığını, özünün isə günahsız olduğunu söyləyib.

Lakin uşağın söylədiklərinin doğruluğu psixoloqlar tərəfindən təsdiq olunub. Evli və bir uşaq atası C.C.E. həbs olunub.

Hadisə ilə bağlı istintaq davam edir.

@dogruxeber.tv