Antalyada fəhlə işləyən S.K. (35) və adı açıqlanmayan dostu qaçırdıqları Quran kursu müəllimi İ.C.-yə (44) bıçaqla işgəncə verib, zor gücünə 3 sənədə qol çəkdiriblər.

dogruxeber.tv milli.az-a istinadən xəbər verir ki, ardınca müəllimi lüt soyunduran şəxslər bikini geyindirib şəkillərini çəkiblər.

Hadisə dünən qeydə alınıb. Quran kursu müəlliminin çox pul qazandığı düşüncəsiylə S.K. planını həyata keçirmək üçün kursa yaxın ərazidə günlük ev kirayələyib. S.K. tanış olduğu İ.C.-ya bacısının xəstə olduğunu, onun din xadiminin duasına ehtiyacı olduğunu deyib. Müəllim fəhlədən bacısını xəstəxanaya aparmağını istəsə də, şübhəli ilahiyyatçının onunla evlərinə getməyini istəyib. Maşına minən S.K. və İ.C. evə yollanıblar.

"SƏNİ ALLAH BELƏ XİLAS EDƏ BİLMƏYƏCƏK"

Kirayələnən evdə qapını S.K.-nin dostu açıb. Evə girdikdə S.K. dostu ilə irgə İ.C.-nin əllərini bağlayıb. S.K. sonra İ.C-yə "Səni burada Allahın belə xilas edə bilməyəcək" deyərək təhdid edib. İ.C.-ni çılpaq soyunduran şübhəlilər müəllimin boğazına söykədikləri bıçaqla işgəncə veriblər.

Şübhəlilər sonra İ.C.-dən ümumi 90 min lirə dəyərində sənəd alıb. S.K. və dostu zərərçəkəni bir qadın ilə cinsi münasibətə məcbur edib, bikinidə şəkillərini çəkiblər. Şübhəlilər İ.C.-yə "Səni bir şərtlə bağışlayarıq" deyə təhdid edərək, 25 min lirə nəğd pul və son model bir telefon istəyiblər. Ardınca S.K. ilə dostu üzünü bağladıqları İ.C.-ni "Bizdən xəbər gözlə" deyərək, küçəyə buraxıblar.

Pulu almaq üçün gələn S.K.-ni polislər tutublar.

Polis digər şübhəliləri ələ keçimək üçün istintaqı davam etdirir.


@dogruxeber.tv