ABŞ dövlət katibinin birinci müavini Con Sallivan Azərbaycan xalqını Novruz bayramı münasibətilə təbrik edib.

Təbrikdə deyilir:


"Bu gün dünyada milyonlarla insanlar Novruz bayramını qeyd edirlər. ABŞ-da, Əfqanıstanda, Azərbaycanda, Çində, Gürcüstanda, Hindistanda, İraqda, İranda, Qırğızıstanda, Qazaxıstanda, Pakistanda, Rusiyada, Suriyada, Türkiyədə, Tacikistanda, Türkmənistanda, Özbəkistanda yaşayan insanlar bayram süfrəsi ətrafında toplaşırlar, rəqs edirlər, oxuyurlar, vaxtlarını ailələri və dostları ilə keçirirlər".
Sallivan həmçinin Novruzun son hadisələrdən nəticə çıxarmaq vaxtı olduğunu qeyd edib: "Novruz - gələcəyə ümidlərimiz haqqında düşünmək vaxtıdır. Qoy qarşıdan gələn il hamıya sülh, azadlıq və tərəqqi gətirsin".

mənbə: olke.az