Bu gün dünyanın gözü bizdə: ölkənin 7 illik ilk prezident kim olacaq? - Pərdəarxası...

Bu gün dünyanın gözü bizdədir. Ölkənin 7 illik ilk prezident kim olacaq sualına axşam saatlarında aydınlıq gətiriləcək. Seçkiyə 8 namizəd qatılıb.

dogruxeber.tv-ın verdiyi xəbərə görə, ATƏT-in Demokratik Təsisatlar İnsan Haqları Bürosunun (DTİHB) prezident seçkilərini müşahidə edəcək qısamüddətli missiyası Azərbaycanda səfərdədir.

Qısamüddətli müşahidə missiyasına 280 ekspert daxildir. Daha əvvəl 30 nəfərlik nümayəndə heyəti ilə uzunmüddətli missiya Azərbaycanda səfərdə idi. Missiyaya Korien Yonker başçılıq edir.

ATƏT Parlament Assambleyası, ATƏT DTİHB və AŞ PA seçki günü koordinasiyalı şəkildə Bakı və bölgələrdə müşahidə missiyasını həyata keçirəcəklər.

Parlamentar Nilza de Sena 3 qurum arasında koordinasiyanı həyata keçirəcək. Seçki ilə bağlı ilkin müşahidə səsvermədən sonrakı gün mətbuat konfransında açıqlanacaq.

Avropa Şurası Parlament Assambleyasının (AŞ PA) müşahidə missiyası da Bakıya gəlib.

Missiyanın tərkibində yer alan AŞ PA-nın Azərbaycan üzrə Monitorinq Komitəsinin həmməruzəçisi Stefan Şennak bu haqda məlumat verib.

Deyib ki, səfər zamanı nümayəndələr ATƏT DTİHB müşahidə missiyasından olan həmkarları, eləcə də prezidentliyə namizəd olan 8 şəxslə görüşəcəklər.

Viorel Rikard Badeanın (Rumıniya) rəhbərlik etdiyi AŞ PA missiyasına 33 müşahidəçi daxildir.

MDB Parlamentlərarası Assambleyasının müşahidə missiyası da Azərbaycanda prezident seçkilərini müşahidə etmək üçün Bakıya gəlib. Beynəlxalq müşahidə missiyasının tərkibi Rusiya Federasiyası, Tacikistan, Moldova, Belarus, Qazaxıstan və Qırğızıstandan olan deputatlardan ibarətdir.

Bundan əlavə, beynəlxalq müşahidəçilər missiyasına MDB PA-nın beynəlxalq monitorinq institutunun əməkdaşları və ekspertləri daxildir.

Missiya üzvləri aprelin 11-də Bakı və bölgələrdə olacaqlar. Həmçinin beynəlxalq müşahidəçilərin Milli Məclis, Mərkəzi Seçki Komissiyası və prezidentliyə namizədlərlə görüşləri nəzərdə tutulur.

dogruxeber.tv xəbər verir ki, seçkidə YAP-ın namizədi İlham Əliyevin qalib gəlmək şansları yüksəkdir.

Digər namizədlər isə xalqdan ciddi dəstək ala bilməyiblər. Siyasi şərhçilər yazırlar ki, İ.Əliyev xalqın azı 82-85 faiz səsini alacaq.

Mərkəzi Seçki Komissiyasının sədri Məzahir Pənahov isə «RİA Novosti»yə müsahibəsində bildirib ki, prezident seçkilərində seçicilərin ənənəvi yüksək fəallığı gözlənilir.

M.Pənahov deyib ki, cəmiyyətdə seçkilərə böyük maraq müşahidə olunur, elektorat arasında maarifləndirmə işi aparılıb.

O əlavə edib ki, 11 partiya öz nümayəndələrini müşahidəçi kimi qeydiyyata alıb: “Bütün bunları nəzərə alaraq fikirləşirəm ki, seçici fəallığı yüksək olacaq. Adətən prezident seçkilərində fəallıq yüksək olur”.

Analitiklər hesab edirlər ki, son illərdə həyata keçirilən uğurlu siyasi-iqtisadi islahatlar həm idarəçilik fəlsəfəsinə yeni məna çalarları gətirib, həm də xalqın daha xoş sabaha olan inamını qat-qat artırıb.

Çünki davamlı inkişaf, əhalinin sosial müdafiəsinin daha da gücləndirilməsi dövlətin sosial siyasətinin prioritetidir.

Yeni iqtisadi konsepsiya ilə müasir inkişaf modelini yaradan Azərbaycan artıq borc alan ölkədən borc verən ölkəyə çevrilib.

Vaxtilə iqtisadi durumunu yalnız idxalla təmin edən ölkə bu gün dünya bazarlarına “Made in Azərebaijan” brendi ilə müxtəlif təyinatlı məhsullar ixrac edir.

Cənab İlham Əliyev müsahibəsində qeyd edib ki, son 15 ildə dövlətin fəaliyyətinin başlıca istiqamətlərindən biri iqtisadi müstəqilliyin tam təmin edilməsi olub. Çünki bu, siyasi müstəqilliyin əsasıdır.

Ona görə ki, əgər ölkə iqtisadi cəhətdən asılıdırsa, onda müstəqil siyasət həyata keçirməkdə böyük çətinliklərlə üzləşə bilər və çox vaxt üzləşir.

Azərbaycanı iqtisadi baxımdan özünü tamamilə təmin edən və ciddi iqtisadi çətinliyi olmayan ölkə adlandıran dövlət başçısı son 15 ildə iqtisadiyyatın 3,2 dəfə artmasını dünya rekordu adlandırıb


dogruxeber.tv