İŞİD terror qruplaşması Parisdə bir nəfərin ölümü və dörd nəfərin yaralanması ilə nəticələnən silahlı insidentə görə məsuliyyəti öz üzərinə götürüb.

dogruxeber.tv-ın “RİA Novosti”yə istinadən verdiyi xəbərə görə, polis insidentin terror aktı olmasını istisna etmir. Şahidlərin sözlərinə görə, silahlı şəxs yoldan keçənlərə hücum edərkən “Allah Əkbər” deyə qışqırıb.

Qeyd edək ki, Parisin 2-ci dairəsində naməlum şəxs bıçaqla yoldan keçənlərə hücum edib. İnsident nəticəsində 1 nəfər ölüb, 4 nəfər isə yaralanıb.

Silahlı şəxs polis əməkdaşları tərəfindən məhv edilib.

Araşdırma aparılır.