Avropa İttifaqı Komissiyası “Disney” şirkətinin “21st Century Fox”u satın almasını təsdiqləyib.

“dogruxeber.tv” “Posta”ya istinadən xəbər verir ki, müqavilənin dəyəri 71,3 milyard dollardır.

Məlumata görə, “Disney” Komissiyanın razılığını almaq üçün Avropadakı “History”, H2, “Crime & Investigation”, “Blaze” və “Lifetime” kimi kanalları əldən çıxarıb.

Satınalma şərtlərinə əsasən “Disney” “21st Century Fox” kino studiyalarının “X-Men”, “Avatar”, “Simpsons” və “National Geographic” kimi nəhəng layihələrinin də yayım hüququna yiyələnib.

Bundan başqa, “Hulu” və “Sky” onlayn televiziyaları da “Disney”in tərkibinə daxil olub.