Sosial şəbəkədə Şabran rayon Hacı Qaraqaşlı kənd ərazisində ölkənin yeraltı sərvətinin talan edilməsi ilə bağlı video yayılıb.
Həmin videoda Şabran rayonu, Hacı Qaraqaşlı kənd ərazisindəki qumluq ərazilərin qumu Regional İdarə tərəfindən satıldığı iddia edilir. İddialarda bu ərazilərin qumunun satılması faktı yer alsa da idarə bu video görüntülərdən xəbərsiz olduğunu iddia edə bilər. Amma bütün hallarda bu faktdan xəbərsiz olmağın özü də müvafiq olaraq cavabdeh məmurların səhlənkarlığı deməkdir.
Yerli sakinlərin iddialarına əsasən ərazi yerli idarənin məsul vəzifəli şəxsləri tərəfindən 28 min manata kimlərəsə satılıb. Hansı ki, bu ərazilər Ekologiya və Təbii Sərvətlər Nazirliyinin müvafiq idarəsi tərəfindən qorunmalıdır və dövlət mülkiyyətindədir. Hər halda videodan da göründüyü kimi, qum hansısa başqa ərazilərər daşınır. Və bu faktın özü birbaşa olaraq nazir Muxtar Babayevin diqqətini çəkməyə bilməz. Mövzu ilə bağlı Ekologiya və Təbii Sərvətlər Nazirliyinin də mövqeyini dinləməyə hazırıq.