"İcra başçıları ilə bağlı əsas qərar yeni ildə veriləcək". Bu sözləri dia.az-a açıqlamasında Nazirlər Kabinetindəki mötəbər mənbə bildirib. Qaynağın iddialarına görə, məhz yeni ildən etibarən əsas proseslərə start veriləcək və əvvəlindən də söylənildiyi kimi icra başçıları sistemində onlarla rəhbər işindən kənarlaşdırılacaq

Mənbənin dia.az-a söylədikləri: "Dəyişikliklərin əsas mərhələsi gələn ilə ertələnib. Bu həm də bəzi qrupların müqaviməti ilə də bağlıdır. Hər kəs öz adamını qorumağa çalışır. Amma Şəmkir, Qazax kimi rayonların rəhbərləri ilə bağlı anoloji ifadələri işlətmək olmaz.

Məlumdur ki, onlar keçmiş Vergilər Naziri Fail Məmmədovun kadrları hesab olunurdu. Hər iki başçı himayəsiz qalmaları səbəbindən bu ilin sonlarına yaxın da işlərini itirə bilərlər. Digərlərinin məsələsi isə gələn ilə qaldı".

Əlavə bilgilərimiz olacaq. Bizi izləməkdə davam edin. Bütün maraqlı tərəfləri dinləməyə hazırıq..