Buket Aydının aparıcısı olduğu "40ın konuğu" verilişinin qonağı fotoqraf Bennu Gerede olub.

dogruxeber.tv ölkə.az-a istinadən bildirir ki, Bennu verilişdə şəxsi həyatı ilə bağlı sualları cavablandırıb. Gerede yenidən "Survivor"da iştirak etmək üçün illər boyu Acun İlıcalıya yalvardığını etiraf edib.

"İllər boyu Acuna yalvardım ki, məni yenidən müsabiqəyə qəbul etsin. Amma heç kəs qapımı döymədi. Çox istəyirdim, çünki oradakı macəram başa çatmamışdı. Yenidən getmək istəyirdim. Oğlum da getmək istəyir. Hətta bütün ailəmiz də getsə, əla olar. Orada əla günlər keçirdim. İnsan, həqiqətən də, bütün dünyadan qopur. Heç tanımadığın insanlarla 24 saat bir yerdə qalırsan", - fotoqraf bildirib.