“Hər bir kəs onlara hörmət etməyə, sayğı duymağa borcludur. Amma bir şəhid ailəsi olaraq mən bu sayğının birinci özüm özümə göstərməliyəm. O adı bizə qoyub gedənlərin ruhu xatirinə özümüzə hörmət etməyi bacarmalıyıq”.


dogruxeber.tv xəbər verir ki, bu sözləri şəhid zabit Raquf Orucovun xanımı Sevinc Alıyeva bildirib.


O deyib ki, Qarabağ əlilinə qarşı hansısa aqressiv münasibət göstərmək doğru deyil:


“Hər şeyi hüquqi müstəvidə həll etmək lazımdır, zopa ilə deyil. Hanısa məsələ ilə bağlı yanlışlıq varsa, belə hallar məhkəmə iclaslarında həll olunmalıdır. Lakin Qarabağ qazisi, şəhid ailəsi də bu adı hər yerdə istifadə edə bilməz, buna haqqımız yoxdur. Ümumiyyətlə, bu addan sui-istifadə edənlər də var ki, düzgün deyil. Mən çox dərin təəssüf hissi keçirirəm”./Demokrat.az