Bahalaşma ilə bağlı marketlərdə siqaret davası başlayıb.

DogruXəbər.az xəbər verir ki, bu barədə sosial şəbəkədə video paylaşılıb. Görüntülərdə vətəndaş “Araz” supermarketdən şikayət edir:

“İstifadə etdiyim “Magna” siqaretini almaq üçün “Araz” supermarketinə girdim. Satıcı mənə 2 qutudan artıq siqaret sata bilməyəcəyini dedi. Səbəbini soruşdum. Bildirdi ki, rəhbərlik əmr verib ki, müştəriyə 2-3 qutudan artıq siqaret satılmasın. Bu, müştərinin gündəlik norması hesab edilir. Başa düşmürəm, mənim nə qədər siqaret çəkməli olduğumu nə vaxtdan mağaza təyin edir”.

Videogörüntülərin “Araz” Supermarketlər şəbəkəsinin İmişlidə yerləşən filialında çəkildiyi bildirilib./oxu.az