Bakının Binəqədi rayonunda bıçaqlanma hadisəsi baş verib.
dogruxeber.tv xəbər verir ki, rayonun 9-cu mikrorayon ərazisində Bakı şəhər sakini Şahlar Əsgərov bıçaqlanıb.
Yaralı xəstəxanaya yerləşdirilib, ona tibbi yardım göstərilib. Onun vəziyyətini orta-ağır olduğu bildirilir.
Araşdırmalar zamanı Şahlar Əsgərovun oğlu tərəfindən bıçaqlandığı məlum olub. Hadisəni törədən şəxs həbs edilib.
Faktla bağlı Cinayət Məcəlləsinin 126.1-ci (qəsdən sağlamlığa ağır xəsarət yetirmə) maddəsi ilə cinayət işi başlanıb.
(Big.az)