"Lənkəran şəhərində, bilirsiniz ki, sərtləşdirilmə götürüldü. Lənkəran şəhərinin giriş və çıxışına tətbiq olunan məhdudiyyət hələ də qüvvədədir.

dogruxeber.tv Metbuat.az-a istinadən xəbər verir ki, bu barədə Baş Dövlət Yol Polisi İdarəsinin şöbə rəisi Kamran Əliyev danışıb.
O bildirib ki, Lənkərandan digər şəhər və rayonlara çıxmaq, eyni zamanda digər şəhər və rayonlardan Lənkərana girişə icazə verilmir:

"Bunu əhali nəzərə almalıdır. Lənkəranın daxilində insanlar sərbəst hərəkət edə bilərlər. Amma Lənkəranda giriş-çıxış ilə bağlı Nazirlər Kabinetinin 178 saylı qərarı hələ də qüvvədədir. 5 inzibati ərazi - Bakı, Sumqayıt, Gəncə, Lənkəran şəhərləri və Abşeron rayonunun giriş-çıxışına tətbiq edilən məhdudiyyət hələ də qüvvədədir".