Şabran rayonunun Leyti kəndi susuzluqdan əziyyət çəkir.
dogruxeber.tv Baku TV-nin xəbərinə əsasən bildirir ki, bir neçə ildir ki, kənddə su yoxdur.
Sakinlər bildirir ki, kəndin cəmi bir yerində - bulaqdan su gəldiyindən hamı buraya toplaşır. Bununla da kənddə hər ailədən bir nəfər bütün gününü su daşımağa sərf etməli olur.
Onlar bulaqda növbə ilə saatlarla gözləməli olurlar. Əldə olunan bir qab su isə heç bir tələbatı ödəmir.
Məsələ ilə bağlı kənd icra nümayəndəliyindən Baku TV-yə bildiriblər ki, dövlət başçısının sərəncamı ilə hazırda bir neçə kənddə artezian quyularının vurulmasına başlanılıb. Leyti kəndində də bu ilin sonuna kimi artezian qusunun qazılması nəzərdə tutulub.
Qeyd edək ki, rayon mərkəzindən 15 kilometr aralıda yerləşən Leyti kəndinin əhalisi 200-ə yaxındır.