dogruxeber.tv: - Qaçqınlar və Məcburi Köçkünlərin İşləri üzrə Dövlət Komitəsinin (“Qaçqınkom”) Repatriasiya Departamenti tərəfindən keçirilən tender müsabiqələrinin qalibi məlum olub.
Yeniavaz.com açıqlanan rəsmi məlumatlara istinadən bildirir ki, tender müsabiqələrinin qalibi “Mufkat Company” MMC (VÖEN-1702978111) olub.
“Qaçqınkom” məcburi köçkün ailələrinin köçürülməsi üçün “Mufkat Company” MMC ilə 15 min 540 manatlıq müqavilə bağlayıb.
Məlumat üçün bildirək ki, “Doraqon” MMC – 11.01.2021-ci il tarixində dövlət qeydiyyatına alınıb. “Qaçqınkom” tender müsabiqəsini 30.03.2021-ci il tarixində elan edib. Bu isə o deməkdir ki, tender müabiqəsinin qalibi olan MMC tender elanının verilməsindən cəmi 2 ay 20 gün əvvəl yaranıb. Cəmi 2 ay 20 gün əvvəl yaranan və 15 min manatlıq tenderin qalibi olan MMC “Bakı şəhəri, Səbail rayonu, Abbasqulu Abbaszadə, ev 1/B” ünvanında qeydiyyatdadır. Nizamnamə kapitalı 10 manat olan MMC-nin qanuni təmsilçisi Turabova Zeynəb Habil qızıdır.
Qeyd edək ki, 11.01.2021-ci il tarixlərində “Bakı şəhəri, Səbail rayonu, Abbasqulu Abbaszadə, ev 1/B” ünvanında Turabova Zeynəb Habil qızının qanuni təmsilçi olduğu “Afrodıta TM”, “Fokus SM Grup” və “Dermun Grup” adlı daha 3 şirkət qeydiyyatdan keçirib.
Maraqlı məqamlardan biri də odur ki, son aylarda “Səbail rayonu, Abbasqulu Abbaszadə, ev 1/B” ünvanında onlarla şirkət qeydiyyata alınıb. Bu şirkətlərin bir-neçəsinin qanuni təmsilçisi eyni şəxslər olub.
“Səbail rayonu, Abbasqulu Abbaszadə, ev 1/B” ünvanda qeydə alınan şirkətlərin bəziləri bunlar olub:



Məlumat üçün bildirək ki, "Dövlət satınalmaları haqqında" Qanunun 6-cı maddəsində malgöndərənlərin (podratçıların) ixtisasına dair tələblər yer alıb. Həmin maddənin 6.2.1-ci bəndində açıq şəkildə yazılır ki, satınalma müqaviləsinin icrasını təmin etmək üçün müvafiq sahədə peşəkarlığının, təcrübəsinin, texniki və maliyyə imkanlarının, işçi qüvvəsinin, idarəetmə səriştəsinin, etibarlığının olması lazımdır.
Cəmi 2 ay 20 gün əvvəl yaranan, nəinki rəsmi veb-səhifəyə, hətta sosial şəbəkə hesabına sahib olmayan bir şirkətlərinin hansı peşəkarlığa və təcrübəyə sahib olacağı aydın deyil.
Tender müsabiqəsilə bağlı diqqət çəkən məqamlardan biri də odur kİ, Qaçqınlar və Məcburi Köçkünlərin İşləri üzrə Dövlət Komitəsinin Repatriasiya Departamentinin müabiqə (kotirovka sorğusu) elanı “e-tender.gov.az” saytına 30.03.2021-ci il saat 9:10-da yerləşdirilib. Sənəd qəbulu isə cəmi 20 dəqiqə sonra - 9:30-da başlayıb və 31.01.2021-ci il tarixində saat 17:00-da başa çatıb.
Xatırladaq ki, bu cür tender müsabiqələri “Qaçqınkom” tərəfindən əvvəllər də keçirilib.