dogruxeber.tv: - “Belə döyüşlərdə Zabit həmişə Azərbaycanın bayrağını göylərə qaldırıb. Çox təəssüf ki, bəzən bu cür idmançılarımıza sahib çıxmırıq. Amma əslində ən böyük məbləğ onlara xərclənməli, ən böyük qayğı onlara olmalıdır”

Bunu aktyor, aparıcı Kamran Həsənli Azərbaycanın məşhur kikboksçusu və qarışıq döyüş növləri (MMA) ustası, "Mauqli" ləqəbli Zabit Səmədovun doğum gününü təbrik edərkən deyib. K.Həsənli Zabitin əqidəsiylə və düşüncəsiylə bizim adam olduğunu bildirib:

“Zabit bizim fəxrimizdi, hətta deyərdim ki, tarixi şəxsiyyətimizdi. Çünki döyüşçülər həmişə bir millətin bütün dünyada hörmətini yüksəldən adamlardı. Belə döyüşlərdə Zabit həmişə Azərbaycanın bayrağını göylərə qaldırıb. Çox təəssüf ki, bəzən bu cür idmançılarımıza sahib çıxmırıq. Amma əslində ən böyük məbləğ onlara xərclənməli, ən böyük qayğı onlara olmalıdır. Çünki onlar ölkənin dünyada imicini təmsil edirlər. Gəncliyində Zabit Belarusiyadan çıxış edəndə də Azərbaycan və qardaş Türkiyənin bayrağını qaldırırdı. Yəni bu adam əqidəsiylə də, düşüncəsiylə də bizim adamdı. Onunla tanışam və bir neçə tədbirdə görüşmüşəm. Amma mən onu elə bil uşaqlıqdan bir yerdə böyümüş və eyni əqidənin adamı kimi hesab edirəm. Zabitin ad gününü təbrik edib, ona can sağlığı arzu edirəm və demək istəyirəm ki, biz onunla fəxr edirik”.//moderator.az