28.08. 2021-ci il tarixində REALXEBER.ORG İnformasiya Agentliyinin "ƏSGƏR QARDAŞIM" layihəsinin Beyləqan İstirahət Mərkəzində növbəti tədbiri gözlənildiyindən də yüksək səviyyədə baş tutdu. Tədbirdə Beyləqan, Füzuli, İmişli, Xocavənd, Ağcabədi rayonlarının şəhid ailələri, qazilər və icra struklarının nümayəndələri iştirak etdi.

Tədbirin aparıcısı Rəşad Kəsəmənli (gözəl şairimiz N. Kəsəmənlinin oğlu) tədbiri açıq elan etdi və Azərbaycan dövlət himni səsləndirildi. Şəhidlərimizin xatirəsini sükutla yad edən tədbir iştirakçıları az sonra Azərbaycanın Milli Qəhrəmanı, general Polad Həşimovun anası Səmayə xanımı böyük coşqu ilə qarşıladı. Qəhrəman generalımızın anası böyük iftixar hissi ilə 44 günlük müharibəmizdən, ordumuzun şanlı qələbəsindən, şəhidlərə və qazilərə verilən yüksək qiymətdən danışdı. Səmayə xanımın çıxışı tədbirdə iştirak edən Beyləqan şəhid ata və analarına həm ismarıc, həm də bir növ təsəlli oldu.

Tədbirin bədii hissəsi də tam vətənpərvərlik hissi və duyğuları ilə davam etdi. Muğam müsabiqəsi qalibləri Məhəbbət Səfərovun, Nişanə Baxışovanın mahnı və muğamları tədbirə xüsusi bir ğözəllik gətirdilər.


Biz də öz növbəmizdə REALXEBER.ORG İnformasiya Agentliyinin təsisçisi və rəhbəri Zaur Qafarov cənablarına və "Əsgər qardaşım" layihəsinin rəhbəri Firəngiz xanım Əkbərovaya, təşkilatı dəstəyə görə ehtiyatda olan polkovnik Yaşar müəllimə, "Beyləqan ailəvi istirahət mərkəzinin" rəhbərliyinə və işçi kollektivinə dərin minnətdarlığımızı bildirir, onlara gələcək belə müqəddəs işlərdə uğurlar arzulayıram!