"dogruxeber.tv" İrna-ya istinadən xəbər verir ki, Bruney Darüssəlam və İranın xarici işlər nazirləri görüşüb və ikitərəfli, regional və beynəlxalq hadisələrə, xüsusilə də İslam dünyasına aid mövzulara dair qarşılıqlı maraq doğuran məsələləri müzakirə ediblər.

İranın baş diplomatı Hossein Amirabdollahian bu görüşü ikitərəfli əlaqələrin inkişaf etdirilməsi yollarını nəzərdən keçirmək üçün münasib fürsət kimi qiymətləndirib.

O, İranın yeni texnologiyalar və biliyə əsaslanan sektorda əldə etdiyi nailiyyətlərə işarə edərək, bu sahədə əməkdaşlığın qurulmasından məmnunluğunu ifadə edib.

Bruney Darüssəlamın xarici işlər naziri Dato Erivan Pehin Yusof da öz növbəsində iranlı həmkarını Bruneyə səfərə dəvət edərək, müxtəlif sahələrdə birgə müəssisələrin genişləndirilməsinin zəruriliyini vurğulayıb.

Tərəflər həmçinin konsulluq işi, ekstremizm və islamofobiya ilə mübarizə, Fələstin məsələsi, anti-İran sanksiyalarının aradan qaldırılması üçün danışıqların davam etdirilməsi, eləcə də Ukraynada baş verən prosesləri müzakirə ediblər.

dogruxeber.tv
Kamal Əsgərov