Apple şirkəti yeni 15 düymlük MacBook Air-in yaradılması üzərində işə başlayıb. Bu cihazın əsas xüsusiyyəti şirkətin öz istehsalı olan ən son prosessorlardan biri olan M3-ün olmasıdır.

"dogruxeber.tv" qeyd edir ki, bunu tanınmış insayder və Bloomberg müxbiri Mark Qurman bildirib .

İnsayderin sözlərinə görə, M3 prosessoru TSMC zavodunda yeni üç nanometrlik proses əsasında istehsal olunacaq. Yeni topologiyaya keçid M3-ün ən azı əvvəlki nəsil Apple əsas prosessorlarından daha güclü olmasını təmin edir.

Qurman hesab edir ki, Apple 2024-cü ildə yeni 15 düymlük MacBook Air-i təqdim edəcək. Əgər həqiqətən də M3 prosessoru alsa, o, Air seriyasının ən güclü cihazı olacaq.

Apple WWDC23 sərgisində ilk 15 düymlük MacBook Air-i təqdim etdi . Təkmilləşdirilmiş ekrana əlavə olaraq, yeni Air dörd əvəzinə altı dinamik aldı.

Bazar ertəsi Apple-ın birjadakı səhmləri bu ilin yanvarından bəri yeni maksimum indeksi qeydə alıb. Şirkətin səhmlərinin qiyməti 1,6% artaraq 183,79 dollar olub ki, bu da bazarın qalan hissəsinə təsir edib, çünki bu səhmlər S&P 500 indeksinin 7,5%-ni təşkil edir.

Şirkətin kapitallaşması hazırda 2,89 trilyon dollar təşkil edir və psixoloji cəhətdən vacib olan 3 trilyon dollarlıq hədddən çox da uzaq deyil. Təqdim olunan Vision Pro cihazı istehlakçıları heyran etməsə də, ekspertlər əmindirlər ki, onun bazara daxil olması əlavə reallıq texnologiyalarının bütün sahəsinin inkişafı üçün mühüm təkan olacaq və şirkət üçün daha bir mühüm gəlir mənbəyinə çevriləcək.

dogruxeber.tv
Jalə Asiman