Rusiya Federasiyası Prezidentinin köməkçisi Şimal-Cənub dəhlizi boyunca Rusiya ilə İran arasında ticarət dövriyyəsinin həcminin artdığını qeyd edərək, Rəşt-Astara dəmir yolu layihəsinin maliyyə mexanizmləri vasitəsilə tamamlanacağını əlavə edib.

"dogruxeber.tv"ın İRNA-ya istinadən məlumatına görə, İqor Levitin İran, Hindistan və Rusiyanın Şimal-Cənub dəhlizi ilə tranzitin asanlaşdırılmasına dair iclasında çıxışı zamanı jurnalistlərə deyib ki, İran vasitəsilə nəqliyyat və tranzit Rusiya üçün çox önəmlidir.

Rusiya prezidentinin köməkçisi İran və Rusiya arasında dəmir yolu əlaqəsinin inkişafının rabitənin ən mühüm aspekti olduğunu vurğulayaraq əlavə edib: “Rusiya hökuməti Rəşt-Astara dəmir yolu xəttinin maliyyələşdirilməsi və tikintisi ilə bağlı qərar verib.

O, sözlərinə belə davam edib: “Biz yüklərin həcmini 30 milyon tona çatdırmağa çalışırıq. Rusiya Xəzərdə gəmilərin inşası üçün büdcə ayırıb”.

Bu yüksək rütbəli rusiyalı rəsmi bildirib: “Biz Şimal-Cənub Dəhlizinin inkişafı üçün Hindistan və İran vasitəsilə tranzit əməkdaşlığının inkişafını gözləyirik”.

O, donanmanın inkişafından da söz açıb: “Rusiyada gəmilərin yaradılması imkanı var və bu məqsədlə büdcə ayrılıb”.

dogruxeber.tv
Rəna Gözəlova