"Bəzi beynəlxalq KİV-lərin Ankaranın Beynəlxalq Valyuta Fondundan (BVF) 11-13 milyard dollar məbləğində kredit götürmək müqabilində İsveçin NATO-ya üzvlüyünü təsdiqləməyə razılıq verməsi barədə xəbərləri “saf fərziyyə”dir".

"dogruxeber.tv"ın məlumatına görə, bu sözləri Türkiyənin “TRT Haber” internet nəşrinə müsahibəsində Türkiyənin vitse-prezidenti Cevdet Yılmaz deyib.

“2013-cü ildə cənab prezident AKP (Ədalət və İnkişaf Partiyası) dövründə BVF ilə münasibətlərə son qoydu, sonra həqiqətən güclü iradə nümayiş etdirdi və bu mənada bütün borcları ödədi. O vaxtdan bəri Türkiyə 10 ildir BVF-siz qalıb və çox çətin bir zamanda iqtisadi proseslərini uğurla idarə edib. Türkiyə bunu gələcəkdə də davam etdirəcək. Bu mənada bizim beynəlxalq mühitdə nə axtarışımız, nə gündəmimiz, nə də belə bir söhbətimiz var”, - deyə Yılmaz müvafiq sualı cavablandırıb.

ABŞ prezidenti Co Baydenin İsveçin NATO-ya üzv olmaq üçün müraciətini təsdiqləmək üçün Türkiyəyə BVF krediti vəd etməsi, xüsusən də Türkiyənin “Yenicağ” internet nəşri iyulun 14-də xəbər verib ki, bu barədə amerikalı araşdırmaçı jurnalist Seymur Herş danışıb.

dogruxeber.tv
Jalə Asiman